តាកែវ ៖ គណៈប្រតិភូនគរបាលនៃស្នងការដ្ឋាននគរបាលខេត្តចំនួន៩ បានមកបំពេញកិច្ចការងារនៅខេត្តតាកែវដើម្បីដកស្រង់បទពិសោធន៍ស្តីពីការអនុវត្តការងារនគរបាល និងសហគម៍ នៅក្នុងខេត្តតាកែវ ។ កម្លាំងនគរបាល ខេត្តតាកែវត្រូវបានគេមើលឃើញថា បានបំពេញកិច្ចការងារឈានមុខទទួលបានស្នាដៃល្អជាបន្តបន្ទាប់លើកិច្ចការងារថែរក្សាការពារសន្តិសុខសណ្តាប់ធ្នាប់ សុវត្ថិភាព ជូនប្រជាពលរដ្ឋ និងការអនុវត្តគោលនយោបាយភូមិ ឃុំមាន សុវត្ថិភាពក៏ដូចជា ការជួយប្រជាពលរដ្ឋរងគ្រោះដោយគ្រោះធម្មជាតិជាដើមនោះ។
ការមកបំពេញ ទស្សនៈកិច្ចការងារដកស្រង់ផ្លាស់ប្តូរបទពិសោធន៍លើការ អនុវត្តន៍ការងារនគរ បាលនិង សហគមន៍នៅខេត្តតាកែវបានធ្វើឡើងរយៈពេល២ថ្ងៃចាប់ពីថ្ងៃទ៣១ខែតុលានិងថ្ងៃ០១ ខែវិច្ឆិការ ឆ្នាំ២០១៨។ គណៈប្រតិភូកងកម្លាំងនគរទាំង ៩ ខេត្តនោះរួមមាន មកពី ( តាកែវ កំំពង់ស្ពឺ ក្រុងព្រះសីហនុ កោះកុង កែប កំពត ស្វាយរៀង ភ្នំពេញ កណ្តាល ) បានចុះទៅត្រួតពិនិត្យសិក្សាការងារផ្ទាល់នៅចំណុចប៉ុស្ថិ៍នគរបាល ឃុំសង្កាត់ចំនួន១០គោលដៅ ក្នុងក្រុងដូនកែវ ស្រុកត្រាំកក់និងស្រុកសំរោង ក្រោមការដឹកនាំដោយប្រធាននាយកដ្ឋានកិច្ចការងារប៉ុស្ថិ៍នគរបាលរដ្ឋបាល នៃអគ្គស្នងការដ្ឋាននគរបាលជាតិ លោកឧត្តម សេនីយ៍ឯក អ៊ីង សំអុល និងស្នងការការដ្ឋាននគរបាលខេត្តតាកែវ លោកឧត្តមសេនីយ៍ទោ សុខ សំណាង និងមានការចូលរួមពីតំណាងប្រធានម្ចាស់គម្រោងហៅកាត់CPI នៃស្ថានទូតអូស្ត្រាលីផងដែរ។
ថ្លែងនៅក្នុងអង្គប្រជុំឯកឧត្តមឧត្តមសេនីយ៍ទោ សុខ សំណាង បានលើកឡើងពីបទបញ្ជាយ៉ាងម៉ាត់ រាល់ផែនការ និងគោលការណ៍ច្បាប់ដាក់ចេញដោយក្រសួងមហាផ្ទៃនិងអគ្គស្នងការដ្ឋាននគរបាលជាតិ ទៅលើតួនាទី ភារកិច្ច របស់នគរបាលជាតិ។កម្លាំងនគរបាលខេត្តតាកែវបានបំពេញការងារលើវិធានការបង្ការទប់ស្កាត់និងបង្ក្រាបបទល្មើសគ្រប់ប្រភេទជាពិសេសលើការងារល្មើសឧក្រិដ្ឋ និងបទល្មើសគ្រឿងញៀន ទទួលបានជោគជ័យជាបន្តបន្ទាប់នាំឱ្យប្រជាជនជំនឿទុកចិត្តនិងមានភាពកក់ក្តៅ លើកិច្ចការងាររបស់នគរបាល។
ប្រធាននាយកដ្ឋានកិច្ចការងារប៉ុស្ថិ៍នគរបាលរដ្ឋបាល នៃអគ្គស្នងការដ្ឋាននគរបាលជាតិ ឯកឧត្តមឧត្តម សេនីយ៍ឯក អ៊ីង សំអុល បានមានប្រសាសន៍ណែនាំឱ្យកម្លាំងនគរបាលប៉ុស្ថិ៍ត្រូវតែគោរពវិន័យ របស់ កងកម្លាំង នគរបាលជាតិ ឱ្យបានម៉ឺងម៉ាត់ហើយជាពិសេសធ្វើអំពើល្អជាមួយប្រជាពលរដ្ឋ ទើបប្រជាពលរដ្ឋមានជំនឿទុកចិត្ត ដោយចូលរួមសហការល្អជាមួយនិងនគរបាល ៕ ដោយ ៖ តាកែវ
