ហេតុការណ៍នេះកើតឡើងតាំងពីថ្ងៃទី ១៤ ខែមីនា នៅតំបន់ភ្នំ Kendeng រដ្ឋធានី Jakarta ប្រទេសឥណ្ឌូណេស៊ី ខណៈពេលពលរដ្ឋច្រើនកុះករ បាននាំគ្នាប្រមូលផ្តុំដោយនាំយកតាមនូវកេសឈើ និងវត្ថុដទៃទៀតមួយចំនួន ។
ពួកគេចាប់ផ្តើមចូកកំបោរស៊ីម៉ង់ត៍មកជីកបង្កប់ជើងរបស់ពួកគេក្នុងប្រអប់ឈើ ។
មូលហេតុគឺ ពួកគេបង្ហាញការប្រឆាំងចំពោះសេចក្តីសម្រេចឲ្យសាងសង់រោងចក្រស៊ីម៉ង់ត៍មួយនៅក្នុងតំបន់ ។
ប្រឈមនឹងហេតុការណ៍នេះ មានចរន្តមតិផ្ទុយគ្នា ដោយខ្លះថាកសិករទាំងនោះសំឡឹងឃើញ១ជ្រុងនៃបញ្ហា ។ ពួកគេក្រីក្រត្រូវស្វែងរកកិច្ចការដើម្បីធ្វើ ហើយរោងចក្រនោះគឺជាដំណោះស្រាយ ។
ប៉ុន្តែប្រសិនបើអ្នកពុំធ្លាប់រស់នៅក្បែររោងចក្រទាំងនេះទេ គួរ “ដើរកាត់១ជុំ” រួចសឹមស្រដី – ដោយហេតុថា ការសាងសង់រោងចក្រនេះធ្វើឲ្យដីធ្លីរាប់គីឡូម៉ែត្រ ក្បែរនោះមិនអាចដាំដុះ ហើយពិបាករស់នៅណាស់ ។
ធូលីស៊ីម៉ង់ត៍ហើរពេញក្នុងបរិយាកាស គ្របដណ្តប់លើអ្វីៗទាំងអស់ រួមទាំងដំណាំផ្សេងៗ ។ ហេតុនេះពួកគេដែលកំពុងក្រខ្សត់ស្រាប់ក្លាយជាទុរគតជនតែម្តង ។
តើឲ្យពួកគេរស់នៅដូចម្តេចទៅ!?
ចន្ទ្រា