បច្ចុប្បន្ននេះគេប្រមូលបានគំរូ DNA ចំនួន១៤៧ ហើយបច្ចុប្បន្នកំពុងត្រូវបានធ្វើការកំណត់អត្តសញ្ញាណនៅមន្ទីរពេទ្យប៉ូលិស Jati Kramat ដើម្បីយកមកប្រៀបធៀបជាមួយទិន្នន័យ DNA ផ្តល់ឱ្យដោយសាច់ញាតិ។ មកទល់ពេលនេះក្រុម ការងារកំណត់អត្តសញ្ញាណជនងរងគ្រោះបានប្រមូល DNA ពីគ្រួសារសាច់ញាតិរបស់ជនរងគ្រោះ១៤៧នាក់ សម្រាប់យកមកធ្វើការវិភាគផ្សេងទៀត។
ស្របពេលជាមួយគ្នានោះ គណៈកម្មាធិការសុវត្ថិភាពគមនាគមន៍ឥណ្ឌូណេស៊ី (NTSC) ឱ្យដឹងថា ពួកគេទទួលបានសំណើពីប្រទេសមួយចំនួនដែលត្រៀមជួយរុករកនិងត្រួតពិនិត្យប្រអប់ខ្មៅរបស់យន្តហោះ Lion Air JT-610 ដែលត្រូវធ្លាក់នៅ Tanjung Karawang, Javaខាងលិច ។ យន្តហោះ Boeing B737-8 Max របស់ក្រុមហ៊ុនអាកាសចរណ៍ Lion Air មានលេខសម្គាល់ JT 610 រួមនឹងអ្នកដំណើរ១៨៩នាក់ បានធ្លាក់ចុះសមុទ្រ ខណៈទើបចេញដំណើរពីព្រលានយន្តហោះSoekarno Hatta, Banten ទៅកាន់ព្រលានយន្តហោះ Depati Amir នៅ Pangkal Pinang ។
អ្នកបើកយន្តហោះ Bhavye Suneja បានសុំអនុញ្ញាតវិលត្រឡប់មកកន្លែងចេញដំណើរវិញ ប៉ុន្តែអកុសលយន្តហោះបានដាំក្បាលចុះក្នុងសមុទ្រ៕លីសា
