កំពង់ចាម៖ លោក សែម បូរ៉ា អគ្គនាយកទូរទស្សន៍ ធី អិន អឹម ត្រូវបានចៅក្រមស៊ើបសួរនៃអយ្យការអមសាលាដំបូងខេត្តកំពង់ចាម បានសម្រេចមិនឃុំខ្លួននោះទេ ក្រោយពេលសាកសួរនៅរសៀលថ្ងៃទី៣១ខែតុលានេះ។ បើទោះបីជាមានការដោះលែងជនត្រូវចោទក៏ដោយ ក៏នីតិវិធីរបស់តុលាការនៅបន្តដដែលលើសំណុំរឿងដីធ្លីនេះ។
សូមបញ្ជាក់ថា លោកសែម បូរ៉ានាយទូរទស្សន៍អនឡាញ TNM ត្រូវប៉ូលិសចាប់វ៉ៃខ្នោះក្នុងករណី ត្រូវចោទថា ឆបោកលុយជិត៣០ម៉ឺនដុល្លារក្នុងរឿងទិញលក់ដី ការចាប់ខ្លួននេះធ្វើឡើងកាលពីរសៀលថ្ងៃ២៦ ខែតុលា ឆ្នាំ២០១៨ នៅក្នុងខេត្តកំពង់ចាម ។ បន្ទាប់ពីចាប់ខ្លួននាយទូរទស្សន៍អនឡាញTNM ត្រូវបានស្នងការដ្ឋាននគរបាលខេត្តកំពង់ចាម កសាងសំណុំឯកសារបញ្ជូនទៅតុលាការខេត្តកំពង់ចាម ៕ ដោយ ៖ រចនា
