ភ្នំពេញ ៖ លោករដ្ឋមន្ត្រីសាធារណការ បានបញ្ជាក់ថា លោកមិនអាចតាមមើលកិច្ចការទាំងអស់គ្រប់ខេត្តក្រុងនោះទេ មានតែពឹងលើប្រធានមន្ទីសាធារណការគ្រប់ខេត្តក្រុងទាំងអស់ ទើបអាចសម្រេចជួសជុសផ្លូវទាំងអស់ទូទាំង២៥ខេត្ត ក្រុងបានដោយជោគជ័យ ហើយក្រសួងសាធារណការនិងដឹកជញ្ជូន នឹងដាក់ឱ្យដំណើរការប្រព័ន្ធ App ដែលអាចឱ្យពលរដ្ឋផ្តល់ដំណឹងអំពីផ្លូវខូច។
លោក ស៊ុន ចាន់ថុល បានបញ្ជាក់ថា បញ្ហាផ្លូវខូច ឬផ្លូវសំបុកមាន់ លែងជាកង្វល់របស់ពលរដ្ឋទៀតហើយ ក៏ព្រោះតែក្រសួងសាធារណការ នឹងដាក់ឲ្យដំណើរការ App របស់ក្រសួង ដើម្បីទទួលព័ត៌មានរាយការណ៍ពីប្រជាពលរដ្ឋ អំពីបញ្ហាផ្លូវ និងហេដ្ឋារចនាសម្ព័ន្ធផ្សេងៗទៀត ដែលពាក់ព័ន្ធនឹងក្រសួង។
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា ដើម្បីឱ្យប្រជាពលរដ្ឋមានភាពងាយស្រួល ក្នុងការផ្តល់ដំណឹង ទាក់ទងនឹងផ្លូវខូច ផ្លូវសម្បុកកមាន់ សម្រាប់ក្រសួងសាធារណការ ចុះត្រួតពិនិត្យ និងជួសជុសផ្លូវនោះ នៅចុងឆ្នាំ២០១៨នេះ ក្រសួងនឹងដាក់ឱ្យដំណើរការ App មួយឈ្មោះថា Road Care ជាApp ដែលអាចឱ្យប្រជាពលរដ្ឋទាំងអស់ អាចផ្តល់ដំណឹងជូនក្រសួងបាន ដោយគ្រាន់តែថតផ្លូវកន្លែងណាដែលខូច រួចផ្ញើចូល App នោះតែប៉ុណ្ណោះ។
រដ្ឋមន្ត្រីក្រសួងសាធារណការរូបនេះ បាននិយាយថា រាល់បញ្ហាផ្លូវដែលពលរដ្ឋ ចង់ឲ្យក្រសួងដោះស្រាយទាន់ពេលវេលានោះ គឺពួកគេគ្រាន់តែថតរូបផ្លូវខូចនេះ បញ្ជូនទៅ Appក្រសួងនោះ នឹងមានការអន្តរាគមន៍ដោះស្រាយបញ្ហានេះភ្លាមដែរ។
នាថ្ងៃទី៣១ ខែតុលា ឆ្នាំ២០១៨នេះ ក្នុងឱកាសដែលលោករដ្ឋមន្ត្រី បានអញ្ជើញជាអធិបតី ក្នុងពិធីសម្ពោធដាក់ឱ្យដំណើរការជាផ្លូវការ មជ្ឈមណ្ឌលបណ្តុះបណ្តាលបើកបរយានយន្តធុនធ្ងន់ ដែលស្ថិតនៅអគ្គនាយកដ្ឋានដឹកជញ្ជូនផ្លូវគោក ស្ថិតនៅសង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។
លោកទេសរដ្ឋមន្ត្រី ស៊ុន ចាន់ថុល បានថ្លែងថា ប្រជាពលរដ្ឋទាំងអស់ អាចដំឡើង App នេះក្នុងទូរស័ព្ទដៃ ហើយបើឃើញមានរូបភាពសំបុកមាន់ ផ្លូវខូច នៅតាមដងផ្លូវ ផ្លូវជាតិនានា អាចថតផ្ញើចូលទៅក្នុងប្រព័ន្ធ App នេះបាន ដើម្បីឱ្យបានដឹងដល់ក្រសួងសាធារណការ និងដឹងជញ្ជូន។ លោកបន្តថា App នេះបានធ្វើជិតរួចរាល់ហើយ ដែលសង្ឃឹមថា ខែក្រោយ ឫយ៉ាងយូរខែ១២ និងដាក់ឱ្យដំណើរការ App នេះឡើង ដើម្បីឱ្យប្រជាពលរដ្ឋទាំងអស់ បានចូលរួមថតនូវផ្លូវកន្លែងណាដែលខូច អាចផ្ញើចូលបាន។
លោក ស៊ុន ចាន់ថុល បានបញ្ជាក់ថា បញ្ហាផ្លូវខូច ឬផ្លូវសម្បុកមាន់ លែងជាកង្វល់របស់ពលរដ្ឋទៀតហើយ។ នោះក៏ព្រោះតែក្រសួងសាធារណការ នឹងដាក់ឲ្យដំណើរការ App របស់ក្រសួង ដើម្បីទទួលព័ត៌មានរាយការណ៍ពីប្រជាពលរដ្ឋ អំពីបញ្ហាផ្លូវ និងហេដ្ឋារចនាសម្ព័ន្ធផ្សេងៗទៀត ដែលពាក់ព័ន្ធនឹងក្រសួង។
រដ្ឋមន្ត្រីក្រសួងសាធារណការ បានថ្លែងថា រាល់បញ្ហាផ្លូវដែលពលរដ្ឋ ចង់ឲ្យក្រសួងដោះស្រាយទាន់ពេលវេលានោះ គឺពួកគេគ្រាន់តែថតរូបផ្លូវខូចនេះ បញ្ជូនទៅ Appក្រសួងនោះ នឹងមានការអន្តរាគមន៍ដោះស្រាយបញ្ហានេះភ្លាមដែរ។
បើតាមលោក ស៊ុន ចាន់ថុល បានបញ្ជាក់ថា ក្រសួងនឹងដាក់ឲ្យដំណើរការApp នេះ នៅចុងឆ្នាំខាងមុខ។ ប៉ុន្តែលោក ស៊ុន ចាន់ថុល មិនទាន់បញ្ជាក់ថា តើAppនោះ មានលក្ខណៈដូចម្ដេច ហើយត្រូវទាញយកមកប្រើប្រាស់សម្រាប់សុំអន្តរាគមន៍ពីក្រសួង ដោយរបៀបណានោះឡើយ។
លោកទេសរដ្ឋមន្ត្រី បានបញ្ញាក់ទៀតថា “Appមួយនេះ មានលក្ខណៈពិសេសគឺ នៅពេលដែលបញ្ជូលចូលភ្លាមវា នឹងលោតជារូបពណ៌ក្រហម ដែលអាចធ្វើឱ្យបានដឹងថា រូបនោះនៅទីកន្លែងណា ម៉ោងណាបានថតរូបនោះ ពេលបានព័ត៌មាននោះហើយ ក្រុមការងារ និងបញ្ជូនព័ត៌មាននោះបន្ត ទៅមន្ត្រីនាយកដ្ឋានដើម្បីចុះទៅពិនិត្យ និងជួសជុសកន្លែងសំបុកមាន់នោះ ហើយពេលក្រុមការងារផ្តល់ព័ត៌មានទៅនាយកដ្ឋាន ដើម្បីជួសជុលវានឹងលោតពណ៌លឿង និងពេលជួសជុលហើយថតបញ្ជូនមកវិញ វានឹងលោតជាពណ៌បៃតង ដែលបញ្ជាក់ថា បានជួសជុសរួចហើយ ដូច្នេះពេលដែលបានបញ្ចេញ App នេះទៅ អ្វីដែលប្រជាពលរដ្ឋផ្ញើមកមិនមានអ្វីដែលមិនបានធ្វើនោះទេ”។
លោកបានបញ្ជាក់ទៀតថា លោកនឹងដាក់រូបប្រធានមន្ទីសាធារណការ និងដឹកជញ្ជូនគ្រប់ខេត្តទាំងអស់នៅលើ Appនេះ ដើម្បីឱ្យប្រជាពលរដ្ឋបានស្គាល់មុខផងដែរ ហើយជារៀលរាល់ខែ នឹងដាក់បញ្ជាក់តែម្តងថា ខេត្តណាមានផ្លូវសំបុកមាន់ប៉ុន្មាន? ខេត្តណាមានប៉ុន្មាន? ដើម្បីឱ្យបានដឹងទាំងអស់គ្នាតែម្តង ឱ្យប្រជាជនបានដឹងទាំងអស់គ្នា មិនអាចលាក់មុខបានទេ ៕ ដោយ ៖ បញ្ញាស័ក្តិ
