ភ្នំពេញ ៖ របាយការណ៍គ្រោះថ្នាក់ចរាចរផ្លូវគោកទូទាំងប្រទេស រយៈពេល៣១ថ្ងៃ គឺថ្ងៃទី១-៣១ ខែតុលា ឆ្នាំ២០១៨ កើតឡើងចំនួន ៣០៩លើក បណ្តាលឲ្យមនុស្សស្លាប់ចំនួន ១៦៦នាក់ របួសសរុប ៤៧៧នាក់ របួសធ្ងន់ ៣៣១នាក់ របួសស្រាល ១៤៦នាក់។
គ្រោះថ្នាក់ក្នុងខែតុលា ដោយសារមូលហេតុគឺល្បឿន ចំនួន១០៨លើក ស្លាប់៦១នាក់ ស្រវឹង ១៨លើក ស្លាប់១១នាក់ ប្រជែង៣៨លើក ស្លាប់៣១នាក់ មិនគោរពសិទ្ធិ៥៧លើកស្លាប់១៩នាក់ មិនប្រកាន់ស្តាំ ៤៧លើកស្លាប់២៩នាក់ បត់គ្រោះថ្នាក់ ២៨លើក ស្លាប់៧នាក់ ងងុយដេក៥លើក ស្លាប់៥នាក់ និងកត្តាយាន ៨លើក ស្លាប់៣នាក់។
រាជធានីខេត្តដែលមានគ្រោះថ្នាក់និងច្រើន គឺរាជធានីភ្នំពេញ ៥៩លើកស្លាប់ ២២នាក់ កណ្តាល ២១លើក ស្លាប់១៦នាក់ កំពង់ចាម២០លើក ស្លាប់១៣នាក់ ព្រះសីហនុ ២០លើកស្លាប់១២នាក់ បាត់ដំបង ២៦លើក ស្លាប់១១នាក់ ក្រចេះ ១៩លើក ស្លាប់៨នាក់ កំពត ១៨លើក ស្លាប់៦នាក់ តាកែវ ៨លើក ស្លាប់៦នាក់ និងពោធិ៍សាត់ ៥លើក ស្លាប់៤នាក់។ ចំណែកស្លាប់នៅលើផ្លូវជាតិ គឺផ្លូវជាតិលេខ១ ស្លាប់៣នាក់ លេខ២ ស្លាប់៥នាក់ លេខ៣ ស្លាប់១១នាក់ លេខ៤ស្លាប់១២នាក់ លេខ៥ស្លាប់១០នាក់ លេខ៦ស្លាប់២១នាក់ លេខ៧ស្លាប់១១នាក់ លេខ២១ស្លាប់២នាក់ លេខ៤១ស្លាប់៥នាក់ លេខ៤៤ស្លាប់២នាក់ លេខ៤៨ស្លាប់២នាក់ និងផ្លូវជាតិលេខ៥៦ស្លាប់៣នាក់។ យានយន្តដែលខូតខាត គឺម៉ូតូ ៣២២គ្រឿង រថយន្តតូច ១៥៦គ្រឿង រថយន្តធំ ៦៣គ្រឿង ។
យោងតាមរបាយការពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី៣១ ខែតុលា ឆ្នាំ២០១៨ មានហេតុការណ៍គ្រោះថ្នាក់ចរាចរ នៅទូទាំងប្រទេសកើតឡើងចំនួន ១០លើក (យប់៦លើក) បណ្តាលឲ្យស្លាប់ ៥នាក់ របួសធ្ងន់ស្រាល១០នាក់(ស្រី៣នាក់) មិនពាក់មួកសុវត្ថិភាពពេលគ្រោះថ្នាក់ ៨នាក់(យប់៣នាក់) ។
នៅក្នុងករណីគ្រោះថ្នាក់ចរាចរណ៍ទាំង១០លើកនេះ បានបង្កឲ្យមានការខូចខាតយានយន្តសរុប ១៨គ្រឿង ក្នុងនោះមានម៉ូតូ ៨គ្រឿង រថយន្តតូច ៦គ្រឿង រថយន្តធំ ៤គ្រឿង យានផ្សេងៗ០គ្រឿង ។
របាយការណ៍ខាងលើឲ្យដឹងបន្តថា មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពីល្បឿន២លើក(ស្លាប់២នាក់) , មិនគោរពសិទ្ធិ២លើក(ស្លាប់០នាក់), ប្រជែង ២លើក (ស្លាប់២នាក់) បត់គ្រោះថ្នាក់ ៣លើក (ស្លាប់០នាក់) ,មិនប្រកាន់ស្តាំ ១លើក (ស្លាប់១នាក់), ស្រវឹង០លើក (ស្លាប់០នាក់) ងងុយដេក ០លើក (ស្លាប់០នាក់) ។
គ្រោះថ្នាក់នៅលើដងផ្លូវ មានផ្លូវជាតិ ៨លើក ផ្លូវខេត្ត ២លើក ផ្លូវលំ ០លើក ។ ដោយឡែកយានយន្តដែលបង្កហេតុ រួមមាន ម៉ូតូ ៤លើក រថយន្តតូច ៤លើក រថយន្តធំ ២លើក និងគោយន្ត ០លើក ។
ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តកោះកុង១លើក ស្លាប់១នាក់ របួស១នាក់ , បាត់ដំបង ១លើកស្លាប់១នាក់ , តាកែវ ១លើក ស្លាប់១នាក់ , ព្រះសីហនុ ១លើក ស្លាប់១នាក់ និងខេត្តកណ្តាល ១លើក ស្លាប់១នាក់ ។
លទ្ធផលត្រួតពិនិត្យរយៈពេល៣១ថ្ងៃរួមមាន ៖ មធ្យោបាយចូលគោលដៅ ៤៩៥៣គ្រឿង មធ្យោបាយល្មើស ៥៧៧គ្រឿង , អប់រំ
១៤២គ្រឿង, មធ្យោបាយពិន័យ ៤៣៥គ្រឿង ៕ ដោយ ៖ កូឡាប
