អនុប្រធានគណៈកម្មការសុវត្ថិភាពជាតិឥណ្ឌូណេស៊ី (KNKT) លោក Haryo Satmiko នៅថ្ងៃទី១ខែវិច្ឆិកានេះឱ្យដឹងថា ស្នូរ “ping” បញ្ចេញពីប្រអប់ខ្មៅនៃយន្តហោះ Boeing 737 MAX 800 មានជើងហោះហើរលេខ JT610 ដែលធ្លាក់នៅសមុទ្រ Java កាលពីថ្ងៃទី២៩តុលា ត្រូវបានស្តាប់ឮកាន់តែច្បាស់ថែមទៀតហើយ។
ឆ្លើយប្រាប់ Reuters លោក Haryo Satmiko អះអាងថា ស្នូរ “ping” កំពុងឮកាន់តែច្បាស់ឡើង។ យើងខ្ញុំបានបញ្ជូនមធ្យោយបាយបញ្ជាពីចម្ងាយមួយ ហើយបានរកឃើញបំណែកយ៉ាងធំនៅក្រោមបាតសមុទ្រ។យើងខ្ញុំគិតថានេះគឺជាផ្នែកដងខ្លួនយន្តហោះដែលត្រូវបានធ្លាក់។
មន្ត្រីរូបនេះឱ្យដឹងបន្ថែមថា ក្រុមអ្នកមុជទឹកកំពុងគូរផែនទីនៃតំបន់សង្ស័យថាមានប្រអប់ខ្មៅ៕ លីសា