កំពង់ផែ Tanjung Priok ភាគខាងជើង Jakarta ជាកំពង់ផែធំមួយរបស់ឥណ្ឌូណេស៊ី ហើយឥឡូវវាជាកន្លែងប្រមូលផ្តុំបំណែកទាំងឡាយ ពិសេសគឺបំណែកសាកសពរបស់ជនរងគ្រោះ យន្តហោះ និងរបស់របររបស់ជនអភ័ព្វទាំងនោះ ។
អ្នកថតរូបរបស់ស្ថាប័នរុករកសង្គ្រោះជាតិឥណ្ឌូណេស៊ី លោក Willy ដែលមានភារកិច្ចថតទុកនូវអ្វីៗទាំងអស់ ដែលក្រុមសង្គ្រោះ នាំយកមកពោលថា ៖
“ប៉ុន្មានថ្ងៃនេះខ្ញុំបានឃើញផ្នែកជាច្រើនរបស់មនុស្សដែលមិនពេញលេញ… ហើយអ្វីដែលខ្ញុំខ្លោចផ្សាបំផុតនោះ គឺសាកសពរបស់ក្មេងតូចម្នាក់ដែលនៅសល់តែ…ខ្លួនប៉ុណ្ណោះ” ។
“ប៉ុន្តែខ្ញុំគិតថា រាងកាយរបស់ខ្ញុំក៏មានអ្វីៗដូចគ្នានោះដែរ” ។
Bambang Suryo Aji, ប្រធានស្ថាប័នរុករកសង្គ្រោះជាតិឥណ្ឌូណេស៊ីបានប្រកាសថា ៖ “គ្មានឱកាសសម្រាប់អ្នកអាចនៅសល់ជីវិត ក្រោយព្រឹត្តិការណ៍នេះទេ!” ។ មនុស្ស ១៨៩នាក់ ដែលក្នុងនោះ មានមនុស្សពេញវ័យ ១៧៨នាក់ ទារក២នាក់ ក្មេងតូចម្នាក់ និងក្រុមហោះហើរលើយន្តហោះ ៨នាក់ សុទ្ធសឹងតែបានលាចាកលោកហើយ ។
ងាកទៅក្រុមសាច់ញាតិ បងប្អូនវិញ ពេលនេះនៅសល់ក្តីសង្ឃឹមចុងក្រោយ គឺជនរងគ្រោះដែលជាសាច់ញាតិរបស់ពួកគេនៅបន្សល់ទុកសាកសពទាំងមូល ប៉ុន្តែឥឡូត្រូវរង់ចាំការពិនិត្យ DNA ដើម្បីទទួលយកបំណែកនៃសាកសព ព្រមជាមួយលិខិតបញ្ជាក់មរណៈភាពតែប៉ុណ្ណោះ ៕ ចន្ទ្រា