តាម Kompas TV ឲ្យដឹងថា ប្រអប់ខ្មៅរបស់យន្តហោះនៃក្រុមហ៊ុនអាកាសចរណ៍ Indonesia Lion Air ផ្ទុកមនុស្ស ១៨៩នាក់ ដែលជួបគ្រោះថ្នាក់កាលពីថ្ងៃទី ២៩ ខែតុលា ទើបត្រូវបានគេរកឃើញ ។
ក្រុមរុករកនិងសង្គ្រោះកំពុងបំពេញការងារ ។
ព័ត៌មានខាងលើទើបត្រូវបានអ្នកនាំពាក្យក្រសួងគមនាគមន៍ដឹកជញ្ជូនឥណ្ឌូណេស៊ី ឲ្យដឹងកាលពីប៉ុន្មានម៉ោងមុន ហើយក្រុមអ្នកឯកទេសមុជទឹករបស់កងទ័ពក៏បានប្រាប់ដូចគ្នាថា គេបានរកប្រអប់កត់ត្រាទិន្នន័យហោះហើរនៃយន្តហោះ Lion Air ដែលស្ថិតនៅបាតសមុទ្រ ហើយបញ្ជូនវាឡើងដល់គោក ។
មុននោះនៅថ្ងៃទី ១ ខែវិច្ឆិកា ដដែលនេះ ក្រុមសង្គ្រោះឥណ្ឌូណេស៊ីទើបប្រកាសថា គេកំណត់បានទីតាំងប្រអប់ខ្មៅរបស់យន្តហោះតាមរយៈស្នូរ PING ដែលស្ថិតនៅក្រោមផ្ទៃសមុទ្រប្រមាណ ៣០-៤០ម៉ែត្រ ។
ការរកឃើញប្រអប់ខ្មៅ PING របស់យន្តហោះវានឹងជួយស្រាយបំភ្លឺអំពីមូលហេតុធ្វើឲ្យយន្តហោះ Boeing 737-MAX ជួបគ្រោះថ្នាក់កាលពីថ្ងៃទី ២៩ ខែតុលា ឆ្នាំ ២០១៨ ៕ ចន្ទ្រា
