ប្រទេសវៀតណាមរងការជ្រួលច្របល់ ព្រោះទើបភ្ញាក់ផ្អើលពុំទាន់បាត់ពីករណីធ្លាក់យន្តហោះផ្ទួនៗគ្នា (នៅឥណ្ឌូណេស៊ី និងនៅអង់គ្លេស) ពុំទាន់បាត់ផងនោះ ស្រាប់តែលើបណ្តាញសង្គម នាប្រទេសនេះ បានរាលដាលនូវរូបភាពយន្តហោះរបស់ក្រុមហ៊ុនអាកាសចរណ៍ Vietnam Airlines ស្ថិតនៅក្បែររថយន្តជាច្រើនគ្រឿង អមដោយសំណេរថា ៖ “ពេលនេះនៅ Noi Boi (ព្រលានយន្តហោះរដ្ឋធានី Hanoi) បងប្អួន ខែនេះហាក់ដូចជាស៊ីយន្តហោះដល់ហើយ” ។
រូបភាពខាងលើត្រូវបានបង្ហោះវេលារសៀលថ្ងៃទី ៣១/១០ ។ ភ្លាមៗនោះវាត្រូវបានចែករំលែកខមិន ភ្លូកទឹកភ្លូកដី…។
យ៉ាងណាប្រព័ន្ធផ្សព្វផ្សាយរដ្ឋបានបំភ្លឺទាន់ពេលវេលាថា ៖ “តាមពិតនៅយន្តហោះនេះកំពុងស្ថិតនៅក្នុងតំបន់ហ្វឹកហាត់ កងកុម្ម៉ង់ដូពិសេសប្រឆាំងភេរវកម្ម នៃវិទ្យាស្ថានជាតិប៉ូលិសវៀតណាម ។
យន្តហោះនេះគឺជារូបភាពពិតកំពុងស្ថិតក្នុងវិទ្យាស្ថានជាតិប៉ូលិស ។
វាជាឧបករណ៍សម្រាប់សិក្សាវិធីរំដោះចំណាប់ខ្មាំងលើយន្តហោះ
…ហើយរូបភាពនេះក៏ “ពិតដែរ” គ្មាន Photoshop ទេ ។ មូលហេតុគឺនៅព្រឹកថ្ងៃទី ៣១/១០ វិទ្យាស្ថាននេះបានរៀបចំពិធីបិទវគ្គ ហេតុនេះក្រុមអាណាព្យាបាលបានមកចូលរួមស្វាគមន៍ ហើយទទួលកូនៗរបស់គេទៅផ្ទះវិញ ។
ដូច្នេះគួរចាំថា ពេលខ្លះរូបពិត តែរឿងប្រឌិតក៏អាចនាំឲ្យបានការរំជើបរំជួលផងដែរ ។
កុំថាឡើយនៅមានរឿងប្រឌិត “លាបពណ៌” ទៀតនោះ ។