មន្ត្រីឥណ្ឌូណេស៊ីបានឱ្យដឹងនៅថ្ងៃទី១វិច្ឆិកាថា ក្រុមអ្នកមុជទឹកបានរកឃើញផ្នែកកង់យន្តហោះ Boeing 737 MAX 8 មានលេខសម្គាល់ JT610 ដែលជួបគ្រោះថ្នាក់ធ្លាក់ចុះសមុទ្រនៅថ្ងៃទី២៩តុលា បណ្តាលឱ្យមនុស្ស១៨៩នាក់ស្លាប់។
នៅថ្ងៃទី២ខែវិចិ្ឆកា មុននោះបន្តិចនៅថ្ងៃដដែល ឥណ្ឌូណេស៊ីក៏បានប្រកាសពីការរកឃើញប្រអប់ខ្មៅដែលផ្ទុកទិន្នន័យរបស់យន្តហោះនេះនៅបាតសមុទ្រ ហើយប្រគល់ជូនដល់គណៈកម្មការសុវត្ថិភាពឥណ្ឌូណេស៊ី (KNKT) ។
មេដឹកនាំ KNKT ឱ្យដឹងថា គេត្រូវការពេល៣សប្តាហ៍ដើម្បីទាញយកទិន្នន័យពីប្រអប់ខ្មៅនេះ ហើយដំណើរការវិភាគទិន្នន័យប្រអប់ខ្មៅនេះត្រូវប្រើពេលដល់ទៅ៦ខែឯណោះ។ការរកឃើញប្រអប់ខ្មៅផ្តល់មកនូវក្តី សង្ឃឹមបញ្ជាក់នូវមូលហេតុនាំឱ្យមានមហាសោកនាដកម្មនេះ៕សូយន