ពលរដ្ឋចិនទើបប្រាប់ទៅតុលាការហូឡង់ អំពីសារសំខាន់នៃបដិមាដែលមានសពអប់ព្រះសង្ឃបង្កប់នៅក្នុងនោះ។
តាមកាសែត Guardian ប្រជាជនមួយក្រុមបានទៅកាន់ហូឡង់ ដើម្បីចូលរួមសវនការមួយស្នើសុំឱ្យប្រគល់សាកសពអប់ របស់ព្រះសង្ឃបង្កប់ក្នុងបដិមាមានអាយុកាល ១០០០ឆ្នាំ។
តាមពលរដ្ឋទាំងនោះ បដិមាផ្ទុកសាកសពរបស់ព្រះសង្ឃចិនកាលពី ១០០០ឆ្នាំមុននេះស្ថិតក្នុងរជ្ជកាលតុង ។
បដិមានេះបានត្រូវបាត់២ទសវត្សមកហើយ ហើយនៅឆ្នាំ២០១៥កន្លងមក ស្រាប់តែគេបានប្រទះឃើញវានៅពិព័រណ៍ សាកសពអប់ពិភពលោក ក្នុងសារមន្ទីរប្រវតិ្តសាស្ត្រធម្មជាតិនៅ Budapest, Hungary ។
ពួកគេចោទប្រកាន់ថា បដិមាដែលលោក van Overeem បានទិញនោះ គឺជាបដិមាដែលត្រូវបានលួចបាត់របស់ពួកគេ។ ប៉ុន្តែក្នុងអង្គសវនាការ លោកvan Overeem និយាយថា បច្ចុប្បន្នវាមិននៅក្នុងដៃរបស់លោកទេ ព្រោះលោកបានប្តូរវា ជាមួយអ្នកស្រាវជ្រាវវត្ថុបុរាណចិនកាលពីឆ្នាំ២០១៥ ហើយខ្ញុំគិតថាវានឹងត្រឡប់ទៅប្រទេសចិនវិញ។
តាមនោះ តុលាការហូឡង់នឹងចេញសាលក្រមនៅថ្ងៃទី១២ ខែធ្នូខាងមុខ៕លីសា