បុរសជនជាតិអ៊ុយក្រែនម្នាក់ពិតជាមានធ្មេញរឹងមាំអស្ចារ្យមែន ដោយគាត់អាចប្រើវាទាញកប៉ាល់ដឹកទំនិញទម្ងន់ ៦៧៧តោនរួចយ៉ាងងាយ។ ការប្រើធ្មេញទាញរបស់មានទម្ងន់រាប់តោនេះ បានធ្វើឲ្យគាត់បំបែកឯកទក្តកម្មនៅក្នុងប្រទេស ហើយវាប្រហែលជាការបំបែកឯកទក្តកម្មពិភពលោកផងដែរ។
បុរសខ្លាំងម្នាក់នោះមានឈ្មោះថា Skavych។ គាត់បានប្រើធ្មេញទាញកប៉ាល់ឈ្មោះ Vereshchagino បានចំងាយ ១៦ម៉ែត្រ ហើយមន្ត្រីដែលចូលរួមពិនិត្យបានប្រកាសថា វាគឺជាឯកទក្តកម្មជាតិ។
បុរសធ្មេញមាំខាងលើ ក៏បានបំបែកកំណត់ត្រាពិភពលោករបស់ជនជាតិរុស្សីម្នាក់ឈ្មោះ Omar Hanapiev ផងដែរដោយបុរសរុស្សីម្នាក់នោះ បានប្រើធ្មេញដូចគ្នាក្នុងការទាញកប៉ាល់ទម្ងន់ ៦៣៦តោន បានចំងាយ ១៥ម៉ែត្រ កាលពីឆ្នាំ ២០០១។
មន្ត្រីដែលពិនិត្យមើល បាននិយាយថា កំណត់ត្រាំរបស់លោក Skavychកំពុងត្រូវដាក់ទៅកាន់ អង្គការឯកទក្តកម្មពិភពលោក។
សូមបញ្ជាក់ថា លោក Skavych ក៏ធ្លាប់មានកំណត់ត្រាអស្ចារ្យផងដែរ ដោយកាលលើកមុនគាត់បានប្រើធ្មេញគាត់អូសរថយន្តទម្ងន់ ២១,៥តោន បានចំងាយជិត ៧ម៉ែត្រ៕ សុភ័ក្ត្រ
ប្រភព៖ upi
