ខេត្តព្រះសីហនុ៖ មន្ត្រីសាខាកាំកុងត្រូលខេត្តព្រះសីហនុ បានសហការជាមួយមន្ត្រីសាលាខេត្ត និងមន្ទីរពាណិជ្ជកម្មខេត្ត បានចុះត្រួតពិនិត្យ និងធ្វើពិសោធន៍រកមើលទំនិញម្ហូបអាហារ ខូចគុណភាពនៅផ្សារពាណិជ្ជកម្ម ស្ថិតក្នុងសង្កាត់លេខ២ ក្រុងព្រះសីហនុ កាលពីព្រឹកថ្ងៃទី២ ខែវិច្ឆិកា ឆ្នាំ២០១៨។
មន្ត្រីជំនាញកាំកុងត្រូលខេត្តព្រះសីហនុ បាទឱ្យដឹងថា សកម្មភាពចុះពិនិត្យផ្ទៀងផ្ទាត់គុណភាពចំណីអាហារខាងលើនេះ គឺបានផ្តោតជាសំខាន់ទៅលើម្ហូបអាហារសមុទ្រក្លាស្សេ បន្លែ ត្រីសាច់ នំ និងទំនិញម្ហូបអាហារវេចខ្ចប់រួច។
មន្ត្រីកាំកុងត្រូល បញ្ជាក់ថា ជាលទ្ធផលមុខម្ហូបទាំងនោះ គឺមានគុណភាពល្អ ដោយមន្ត្រីជំនាញរកមិនឃើញ សារធាតុគីមីហាមឃាត់ឬអាហារ ដែលខូចគុណភាព ឬមានដាក់សារធាតុគីមីនោះទេ៕ ដោយ ៖ ដែនសីមា
