ក្រោយពីបានទស្សនាកាមេរ៉ាក្នុងរថយន្តក្រុង សាធារណៈជននឹងពិតជាផ្ទុះកំហឹងដោយសារ “និយមហិង្សា” ជ្រុល បង្កឲ្យមានសោកនាដកម្ម ធ្វើឲ្យមនុស្សគ្មានកំហុស ១៣នាក់ស្លាប់ ។
ឡានក្រុងត្រូវបានសណ្តោងយកពីទន្លេ ។
ហេតុការណ៍ដ៏អាក្រក់នេះ កើតឡើងនៅថ្ងៃទី ២៨ ខែតុលា មានករណីរថយន្តក្រុងប៉ះគ្នានឹងរថយន្ត១ទៀត កំពុងធ្វើដំណើរនៅសង្កាត់វ៉ាន់ចូវ ភាគនិរតី ខេត្ត ចុងគីង ប្រទេសចិន ធ្វើឲ្យរថយន្តក្រុងបោះពួយធ្លាក់ក្នុងទន្លេ ធ្វើឲ្យអ្នកដំណើរ ១៣នាក់ បាត់បង់ជីវិត ។
៣ថ្ងៃក្រោយហេតុនេះ កម្លាំងសមត្ថកិច្ចបានកេណ្ឌប្រមូលមធ្យោបាយ និងមនុស្សរាប់រយនាក់មកសណ្តោងរថយន្តជាមួយសាកសពឡើង ។
ប៉ុន្តែក្រោយពេលពិនិត្យមើលកាមេរ៉ាវីដេអូ របស់រថយន្តក្រុងទើបដឹងថា ពេលដែលរថយន្តកំពុងបើកបរឆ្លងកាត់ស្ពាននៅទន្លេយ៉ាងស្សេ នៅចុងគីង នោះអ្នកបើកបរបានកើតជម្លោះជាមួយអ្នកដំណើរម្នាក់ ។ នៅខណៈពេលនោះអ្នកដំណើរ បានចូលកៀកកៅអី អ្នកបើកបររថយន្ត ហើយក៏ចាប់ផ្តើមប្រតាយប្រតប់គ្នា ធ្វើឲ្យទាញចង្កូតបំបុកដៃស្ពានធ្លាក់ចុះទន្លេតែម្តង ។
ខឹងខូច ខឹងខាត ខ្លាំង… ស្លាប់ខ្លួនឯង ស្លាប់ទាំងគេមិនដឹងអ្វីទៀត !
ចន្ទ្រា
