ចៅក្រមម្នាក់បានស្រឡាំងកាំងមួយភាំង និងបានដោះខោអាវចេញ រួចដេញតាមចាប់អ្នកទោស ២នាក់ ដែលបានរត់ចេញពីបន្ទប់ ពេលកំពុងបើកសវនាការ នៅក្នុងរដ្ឋ Washington។
បើតាមវីដេអូបានបង្ហាញថា ចៅក្រមម្នាក់ឈ្មោះ R.W. Buzzard បានធ្វើសកម្មភាពភ្លាមៗ នៅពេលអ្នកទោស វ័យក្មេង ២នាក់ទាំងមានដៃជាប់ខ្នោះ រត់ចេញពីបន្ទប់សវនាការសំដៅទៅជណ្តើរ។
ទោះយ៉ាងណា ចៅក្រមខាងលើបានគ្រប់គ្រងស្ថានការបានញវិញ និងបានចាប់អ្នកទោសទាន់ពេល មុនពេលគេចេញពីទ្វារ។
អ្នកទោសទាំង ២នាក់ ក៏រងការចោទប្រកាន់ធ្ងន់ជាងមុនផងដែរ។
វីដេអូនេះក៏ត្រូវបានបង្ហោះនៅក្នុង Youtube ផងដែរ ហើយមានអ្នកបញ្ចេញមតិជាច្រើនបានចោទសួរថា តើអ្នកយាមក្នុងតុលាការទៅណាបាត់អស់ហើយ? អ្នកបញ្ចេញមតិខ្លះ ក៏បានិយាយផងដែរថា អ្នកទោសទាំង ២នាក់នោះប្រហែលជាប្រព្រឹត្តិបទល្មើសស្រាលប៉ុណ្ណោះ ទើបមិនមានការយាមតឹងតែង៕ សុភ័ក្ត្រ
ប្រភព៖ huffingtonpost
