រតនគិរី ៖ ទាស់ពាក្យសម្តីគ្នាជាមួយជនសង្ស័យ ហើយត្រូវជនសង្ស័យទាញកាំបិតផ្គាក់យ៉ាងចាស់ដៃ បណ្តាលឲ្យបុរសរងគ្រោះ រងរបួសធ្ងន់ កាលពីថ្ងៃទី២ ខែវិច្ឆិកា ឆ្នាំ២០១៨ វេលាម៉ោង១៥និង៣៥នាទី នៅចំណុចភូមិប៉ក់ពោរ ឃុំប៉ក់ញៃ ស្រុកអូរយ៉ាដាវ ខេត្តរតនគិរី ។
ជនរងគ្រោះឈ្មោះ សល់ ត្រូត ភេទប្រុស អាយុ៣២ឆ្នាំ ជនជាតិច្រាយ រស់នៅភូមិឃុំកើតហេតុខាងលើ ត្រូវជនសង្ស័យកាប់ត្រូវចំស្មាខាងធ្វេង១កន្លែង និងកំភួនដៃស្ដាំ ១កន្លែង បណ្ដាលអោយរងរបួសធ្ងន់ ។ ជនសង្ស័យឈ្មោះ យឹម ពៅ ភេទប្រុស អាយុ៣២ឆ្នាំ ជនជាតិខ្មែរ ។ មូលហេតុ ផឹកស៊ីទាស់ពាក្យសំដីគ្នា ក្រោយធ្វើសកម្មភាពរួចជនសង្ស័យបានរត់គេចខ្លួនបាត់។ កម្លាំងសមត្ថកិច្ចបានបញ្ជូនជនរងគ្រោះទៅកាន់មន្ទីរពេទ្យបង្អែកស្រុកបរកែវ ។
បច្ចុប្បន្នកម្លាំងជំនាញអធិការកំពុងធ្វើការស្រាវជ្រាវតាមចាប់ជនសង្ស័យដើម្បីយកមកផ្ដន្ទាទោសតាមច្បាប់ ៕ ដោយ ៖ បញ្ញាស័ក្តិ