ប៉ុន្មានឆ្នាំមកនេះ ទីក្រុងមានការអភិវឌ្ឍន៍យ៉ាងលឿង តម្លៃផ្ទះក៏ឡើងខ្ពស់… ។ នៅតំបន់មួយនោះ ខណៈពេលអ្នកជិតខាងបាននាំគ្នាលក់ផ្ទះឲ្យអ្នកវិនិយោគអស់ ទាស់អីតែយាយចាស់ម្នាក់ គាត់ដាច់ខាតមិនព្រមលក់ ។ គាត់មិនខ្ចីអើពើនឹងរឿងលក់ផ្ទះ ។
…15 ឆ្នាំមុនគេបានឲ្យគាត់ ៣០លានបាត (ជាង៩សែនដុល្លារ) តែអ្នកស្រីបដិសេធដាច់ខាតមិនលក់ ។
… ២ឆ្នាំមុនគេបានមកឲ្យថ្លៃ ៨៥លានបាត ក៏គាត់មិនរវីរវល់ ហើយប្រាប់ថា ៖ “ខ្ញុំមិនលក់ទេ! ២០០លានបាត ក៏មិនលក់ដែរ…” ។
ថ្មីៗនេះគេបាន មកចរចាឲ្យថ្លៃ ៣០០លានបាត (ប្រមាណជាង ៩លានដុល្លារ) ទើបលោកយាយងក់ក្បាល ។
ឆ្លើយតបនឹងកិច្ចសម្ភាសន៍ លោកយាយសើចញឹមៗ ពោល “មុននេះខ្ញុំមិនលក់ ព្រោះទុកឲ្យវាឡើងថ្លៃ ហើយក៏ចង់រក្សាកេររបស់ដូនតា ។ តែឥឡូវគេឲ្យ ៣០០លានបាត ខ្ញុំគិតថា គ្មានអ្វីត្រូវស្តាយស្រណោះទៀតទេ!” ។
កូនចៅលោកយាយពិតជារីករាយណាស់ ! ព្រោះដី១ដុំតូច បើលក់មុននោះក៏ចែកគ្នាទៅពុំធ្វើអ្វីបាន តែឥឡូវជីវភាពរបស់ពួកគេពិតជាប្រសើរជាងមុនច្រើន ។
អ្នកភូមិផងរបងជាមួយមុននេះ នាំគ្នាលាន់មាត់ថា “លោកយាយនេះចាស់មែន តែគំនិតរបស់គាត់ពិតជាពុំ… ធម្មតា”! ៕ លីសា
