អ្នកប្រដាល់អាជីពម្នាក់ឈ្មោះ Levan Shonia បានព្យាយាមដាល់គ្រូបង្វឹករបស់ខ្លួន បន្ទាប់ពីចាញ់ការប្រកួតកាលពីថ្ងៃសៅរ៍ កន្លងទៅនេះ នៅរដ្ឋធានីសូហ្វីយ៉ា (Sofia) ប្រទេសប៊ុលការី។
អ្នកប្រដាល់វ័យ ៣៤ឆ្នាំខាងលើ ដែលមកពីប្រទេស ហ្សកហ្សី (Georgia) បានចាញ់ការប្រកួត ដោយការសម្រេចជាឯកច្ឆ័នទៅកីឡាករ Spas Genov ដែលនៅតែរក្សាកំណត់ត្រាមិនដែលចាញ់របស់ខ្លួនបានទៀត។
បើតាមវីដេអូ បន្ទាប់ពីការប្រកាសលទ្ធផលរួច ហើយដឹងថាខ្លួនចាញ់ អ្នកប្រដាល់រូបនោះ បានព្យាយាមចង់វ៉ៃជាមួយនឹងគូប្រកួតខ្លួនទៀត ប៉ុន្តែត្រូវអាជ្ញាកណ្តាលព្យាយាមរុញគេចេញ ហើយនៅពេលដែលគ្រូបង្វឹកចូលមកក្នុងសង្វៀនដើម្បីសម្រួល អ្នកប្រដាល់នោះក៏ព្យាយាមម៉ាត់ (ដាល់) គ្រូបង្វឹកខ្លួនផងដែរ។
ចង់ដឹងការវៃគ្រូ ខ្លួនឯងយ៉ាងណា សូមទស្សនាវីដេអូខាងក្រោមនេះទាំងអស់គ្នា ៖
សុភ័ក្ត្រ