បន្ទាយមានជ័យ :ជួញដូរថ្នាំញៀនច្រើនសន្ធឹកដែររួមមាន ម្សៅថ្នាំញៀនឬខេទឹកកកទំងន់១០១,៩ក្រាមនិងយ៉ាម៉ា៤,០៣៣គ្រាប់ ត្រូវកម្លាំងកងរាជអាវុធហត្ថឃាត់ខ្លួនជនសង្ស័យប្រុសស្រី៣នាក់ ហើយចោទប្រកាន់រួចត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី០១ខែតុលាឆ្នាំ២០១៧។
លោកវរះសេនីយ៍ ស ប៊ុនសឿង មេបញ្ជាការរងកងរាជអាវុធហត្ថខេត្តបន្ទាយមានជ័យអោយដឹងថា : ជនសង្ស័យទាំង៣នាក់រួមមាន : ១.ឈ្មោះ សៀង ស្រីណែត ភេទស្រីអាយុ១៦ឆ្នាំ ។ ២.សៀង ហួរ ភេទប្រុសអាយុ១៨ឆ្នាំ ៣.ឈ្មោះ ឡៃ ហួរ ភេទស្រីអាយុ៤៦ឆ្នាំជនសង្ស័យរស់នៅភូមិក្បាលកោះសង្កាត់.ក្រុងប៉ោយប៉ែត។
ដោយមានបទបញ្ជពីលោកវរសេនីយ៍បោន ប៊ិន មេបញ្ជាការកងរឆជអាវុធហត្ថខេត្ត និងមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាធរអមសាលាដំបូងខេត្តបន្ទាយមានជ័យនិងមានលោកស្រី ឆេង ហាក់ងិង ព្រះរាជអាជ្ញារង ផងនោះ លោកផ្ទាល់បានដឹកនាំកម្លាំងអហខេតហតនិងក្រុងសិរីសោភ័ណ ចុះបង្ក្រាបឃាត់ខ្លួនជនសង្ស័យ៣នាក់មានស្រី២នាក់និងរឹបអូសមានវត្ថុតាងថ្នាំញៀនប្រភេទមេតំហ្វេតាមីនហៅខេទឹកកកចំនួន១ថងទម្ងន់១០១,៩ក្រាម និងយ៉ាម៉ាចំនួន២០ថង់ស្មើរ៤,០៣៣គ្រាប់និងជញ្ជីងថ្លឹងថ្នាំញៀន១ម៉ូតូ១គ្រឿង ទូស័ព្ទដៃ២គ្រឿង គ្រាប់អាប៉ោង៤គ្រាប់ដែលឃាត់កាលពីវេលាម៉ោង១១ថ្ងៃទី៣០ខែកញ្ញាឆ្នាំ២០១៧នៅចំណុចភូមិក្បាលកោះសង្កាត់.ក្រុងប៉ោយប៉ែត។
ករណីលោកវរៈសេនីយ៍ បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យបាននិយាយបន្ថែមដែរថា “នេះអាចជាប្រតិបត្តិការទប់ស្កាត់បង្ក្រាបគ្រឿងញៀនបានលទ្ធផលធំមួយក្នុងអំឡុងពេលលោកទើបមកកាន់តំណែងជាមេបញ្ជាការជិត១ខែមកនេះ ។ ហើយនេះក៏ជាលទ្ធផលនៃការអនុវត្តតាមការនែនាំរបស់លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ក៏ដូចជាបទបញ្ជាលោកនាយឧត្តមសេនីយ៍ សៅ សុខា មេបញ្ជាកាងរាជអាវុធហត្ថលើផ្ទៃប្រទេស”។
បានដាក់វិធានការដល់កម្លាំងកងរាជអាវុធហត្ថត្រូវលុបបំបាត់បទល្មើសគ្រឿងញៀនអោយអស់។ នៅមុនបញ្ជូនទៅសាលាដំបូងខេត្តកាលពីថ្ងៃទី១តុលា ជនសង្ស័យ៣នាក់បានទទួលសារភាព ទទួលខុសត្រូបចំពោះបទល្មើសនិងវត្ថុតាងថ្នាំញៀនដូចខាងលើហើយ៕ ដោយ : បន្ទាយ
