អ្នកមនោវិទ្យាសញ្ជាតិ Mexico Antonio Vazquez, ឲ្យដឹងថា ចំណងទាក់ទងរវាងអាមេរិក-កូរ៉េខាងជើង នឹងមានកើតឡើងរឿងដែលនឹកស្មានពុំដល់ ហើយពុំដូចនឹងការគិតរបស់មនុស្សភាគច្រើននៅឆ្នាំ ២០១៨នេះ។
លោកមានរហស្សនាមថា “គ្រូធ្មប់ដ៏មហិមា” គឺជាអ្នកមនោវិទ្យាដ៏ល្បីល្បាញនៅ Mexico។ លោកបានលើកឡើងនូវការព្យាករណ៍រៀងរាល់ដើមឆ្នាំថ្មីម្តងៗ ជុំវិញប្រធានបទជាច្រើនតាំងពីនយោបាយរហូតដល់កីឡារបស់ពិភពលោក។
ឆ្នាំនេះក្នុងស្ថានភាពដែលឧបទ្វីបកូរ៉េកាន់តែឡើងកម្តៅនោះ គ្រូធ្មប់រូបនេះ បានធ្វើការព្យាករណ៍ពីស្ថានការណ៍រវាងអាមេរិក និងកូរ៉េខាងជើង។ លោកលើកឡើងថា ៖ ពុំមានអ្វីត្រូវបារម្ភជ្រុលចំពោះសង្គ្រាមពាក្យសម្តីរវាងប្រធានាធិបតីអាមេរិក Donald Tump និងមេដឹកនាំកូរ៉េខាងជើង Kim Jong Un។ លោកបន្ត ៖ គ្មានគ្រាប់បែកណានឹងទម្លាក់ចុះ ពួកគេនឹងទទួលបានកិច្ចព្រមព្រៀងមួយ។
គួររំលឹកឡើងវិញថា ឧបទ្វីបកូរ៉េមាននិន្នាការតានតឹងកាន់តែកើនឡើងៗ ចាប់តាំងពីលោក Trump ឡើងកាន់តំណែងជាប្រធានាធិបតីអាមេរិកនៅដើមឆ្នាំ ២០១៧។ រដ្ឋការរបស់លោក Trump ក៏បានប្រកាសបើកគ្រប់ច្រក ដោយរួមទាំងច្រកប្រដាប់អាវុធ ដើម្បីបញ្ឈប់ទង្វើសាកល្បងកាំជ្រួច និងនុយក្លេអ៊ែររបស់កូរ៉េខាងជើង។
ម្យ៉ាងទៀតភាពតានតឹងខាងលើក៏មានសញ្ញាថមថយចុះអំឡុងពេលប៉ុន្មានថ្ងៃ ដើមឆ្នាំ ២០១៨នេះ ខណៈពេលដែលកូរ៉េខាងជើងទទួលយកកិច្ចចរចាជាន់ខ្ពស់ជាមួយកូរ៉េខាងត្បូង នៅថ្ងៃ ៩/១ ខាងមុខ ហើយអាមេរិកក៏ឯកភាពផ្អាកសមយុទ្ធជាមួយកូរ៉េខាងត្បូង៕ សូយន
