ភ្នំពេញ ៖ នារីរូបស្រស់ម្នាក់ដែលគេស្គាល់ថាជាតារាសម្តែង និងតារាទីកតុកផង មិនដឹងមានវិបត្តិអ្វី បានមកបញ្ចប់ជីវិតខ្លួនឯង ដោយលោតទឹកសម្លាប់ខ្លួនតែមិនបានសម្រេច សំណាងល្អបានប្រជាពលរដ្ឋ ធ្វើដំណើរឆ្លងកាត់រត់ជួយទាន់។
ហេតុការណ៍ភ្ញាក់ផ្អើលនេះដែរ បានកើតឡើងនៅវេលាម៉ោង ១១ និង ៤០ នាទីយប់ថ្ងៃសុក្រទី ១២ ខែកុម្ភៈឆ្នាំ ២០២១ ត្រង់ចំណុចលើស្ពានជ្រោយចង្វា ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុនារីរូបស្រស់ បានជិះកង់បីឲ្យជូនទៅផ្ទះធ្វើដំណើរការត់តាមលើស្ពានជ្រោយចង្វា ហើយមើលទៅរូបនាងរាងដូចជាមានវិវត្តិអ្វីមួយ ស្រាប់តែមកដល់កន្លែងកើតហេតុក៏បានចុះរត់សំដៅទៅលោត តែត្រូវបានប្រជាពលរដ្ឋជួយឃាត់ទាន់ពេល និងដាក់យករូបនាងដាក់ចុះមកក្រោមរួចតេហៅសាច់ញាតិឲ្យមកទទួល។
ក្រោយពេលកើតហេតុខាងលើ ក្រុមគ្រួសារក៏បានមកដល់ក៏លួងលោម និងយករូបនាងត្រឡប់ទៅផ្ទះវិញ៕ រក្សាសិទ្ធិដោយ៖សា មេត
