Monday, December 6, 2021

ក្រុមអ្នកអភិរក្សអាជ្ញាធរអប្បរា រកឃើញរូប ព្រះសិរមេទេវតាផ្នែកកន្ទុយនាគ នៅខ្លោងទារតាកាវ សៀមរាប

សៀមរាប៖ ព្រះសិរមេទេវតាផ្នែកកន្ទុយនាគ នៅខ្លោងទារតាកាវ អង្គរធំ ត្រូវបានក្រុមអ្នកអភិរក្សអាជ្ញាធរជាតិអប្បរា រកឃើញកាលពីថ្ងៃទី១៧ ខែកញ្ញា ២០២១ កន្លងទៅនេះ ។

លោក គឹម សុធិន អគ្គនាយករងអាជ្ញាធរជាតិអប្បរា បានឱ្យដឹងនៅ ថ្ងៃទី១៩ ខែកញ្ញា ឆ្នាំ២០២១ នេះថា ពេលនេះអ្នកជំនាញអាជ្ញាធរជាតិអប្សរា កំពុងមមាញឹក ក្នុងការងារជួសជុលខ្លោងទ្វារតាកាវ អង្គរធំ ដើម្បីពង្រឹងរចនាសម្ព័ន្ធខ្លោងទ្វារឡើងវិញ បន្ទាប់ពីពិនិត្យឃើញថា មានការខូចខាតទ្រុឌទ្រោមយ៉ាងខ្លាំង ដែលរហូតមកដល់ពេលនេះ សម្រេចលទ្ធផលបានប្រមាណ៣០ ភាគរយហើយ។

ក្រុមការងារនៃអាជ្ញា ធរជាតិអប្សរា បានចាប់ផ្តើមដំណើរការជួសជុលខ្លោងទ្វារតាកាវ តាំងពីអំឡុងខែឧសភា ឆ្នាំ២០២១មក ហើយមក ដល់ពេលបច្ចុប្បន្ននេះ សម្រេចបានប្រមាណ៣០ ភាគរយហើយ ខណៈដំណើរការជួសជុលខ្លោងទ្វារតាកាវនេះ ត្រូវចំណាយពេលវេលាចំនួន២ឆ្នាំទើបរួចរាល់៕ រក្សាសិទ្ធិដោយ៖បញ្ញាស័ក្តិ