ភ្នំពេញ៖ ជំងឺមហារីកសុដន់ (ដោះ) ជាប្រភេទជំងឺមហារីក ដែលកើតមានច្រើនជាងគេទី៣ បន្ទាប់ពីជំងឺមហារីកថ្លើមនិងមហារីកសួត ហើយករណីជំងឺមហារីកសុដន់ទាំងអស់ បានកើតឡើងលើស្ត្រី ១០០%។ រីឯចំនួនអ្នកស្លាប់វិញគឺមានរហូតទៅដល់ ៧៩៣នាក់។
នៅក្នុងឆ្នាំ២០២០ ប្រទេសកម្ពុជា មានករណីជំងឺមហារីកសុដន់ចំនួន ១៨៧៧ករណី ស្មើនឹង ១០.២% នៃចំនួនសរុបអ្នកកើតជំងឺមហារីកនៅក្នុងប្រទេស។
អ្នកជំនាញផ្នែករោគស្រ្តី បានឱ្យដឹងថា ជំងឺមហារីកសុដន់(ដោះ) ភាគច្រើនកើតឡើងចំពោះស្រ្តី ដែលមានអត្រាអ្នកស្លាប់ខ្ពស់នៅទូទាំងពិភពលោក និងបន្តកើនឡើងជាបន្តបន្ទាប់ នៅក្នុងរយៈពេលប៉ុន្មានឆ្នាំចុងក្រោយនេះ ដោយសារតែកង្វះការយល់ដឹងពីស្ត្រីគ្រប់វ័យ។ ជំងឺមហារីកសុដន់ មានគ្រោះថ្នាក់ ជាជំងឺមួយស្មុគស្មាញ ដែលកោសិកាសុដន់លូតលាស់ខុសធម្មតា មិនអាចគ្រប់គ្រងបាន។ មហារីកសុដន់មានច្រើនប្រភេទ អាស្រ័យទៅលើកោសិកា ដែលប្រែទៅជាមហារីក។
សុដន់(ដោះ) មានផ្នែកសំខាន់ចំនួន ៣ គឺ ក្រពេញផលិតទឹកដោះ (Lobules), បំពង់បង្ហូរទឹកដោះ(Ducts) និងជាលិកាភ្ជាប់ (Connective Tissue) ។ Lobule គឺជាក្រពេញដែលផលិតទឹកដោះ។ បំពង់បង្ហូរទឹកដោះគឺជាបំពង់ដែលដឹកនាំទឹកដោះទៅក្បាលដោះ។ ជាលិកាភ្ជាប់មានតួនាទីព័ទ្ធជុំវិញហើយភ្ជាប់អ្វីៗទាំងអស់រួមគ្នា។
រោគសញ្ញាទូទៅបំផុតនៃជំងឺមហារីកសុដន់គឺមាន ដុំ ឬ ម៉ាសថ្មី ប៉ុន្តែស្របពេលគ្នានេះ រោគសញ្ញាផ្សេងទៀតក៏អាចកំពុងលេចឡើងផងដែរ។ វាជាពិតជាមានសារសំខាន់ខ្លាំងណាស់ ដែលត្រូវធ្វើការទាមទារពិនិត្យដោយវេជ្ជបណ្ឌិតឯកទេស ប្រសិនបើមានការផ្លាស់ប្តូររូបរាងសុដន់ ឬមិនមានភាពប្រក្រតី។ ខាងក្រោមនេះគឺជារោគសញ្ញាទូទៅមួយចំនួនដែលយើងអាចជួបប្រទះ ៖
- មានដុំពក ឬ ឡើងក្រាស់ ដែលមានអារម្មណ៍ខុសពីជាលិកាធម្មតាដែលនៅជុំវិញ
- ផ្លាស់ប្តូរ ទំហំ រូបរាង ឬលក្ខណៈរបស់សុដន់
- ផ្លាស់ប្តូរស្បែកលើសុដន់ដូចជា ឡើងជ្រួញ
- មានការប្រែប្រួលទៅលើក្បាលសុដន់
- ស្បែកសុដន់អាចឡើងក្រហម ឬមានហើម ប្រហាក់ប្រហែលដូចជាផ្លែក្រូចជាដើម
វេជ្ជបណ្ឌិតឯកទេសផ្នែករោគស្រ្តី បានឱ្យដឹងថា មហារីកសុដន់មិនមែនជាជំងឺឆ្លង ឬអាចឆ្លងពីមនុស្សម្នាក់ទៅមនុស្សម្នាក់នោះទេ ។ រហូតមកដល់ពេលនេះ គេមិនទាន់រកឃើញថាមានមេរោគឬបាក់តេរីណាមួយដែលជាប់ទាក់ទងនឹងការវិវត្តនៃជំងឺមហារីកសុដន់ឡើយ ។ ភាគច្រើននៃជំងឺនេះកើតឡើងចំពោះស្រ្តីដែល៖
- មានអាយុលើសពី៤០ឆ្នាំ
- ស្រ្តីដែលលើសទម្ងន់
- ហានិភ័យចំពោះស្រ្តីដែលផឹកគ្រឿងស្រវឹងច្រើន
- មានប្រវត្តិគ្រួសារធ្លាប់កើតជំងឺមហារីកសុដន់
- មានប្រវត្តិក្នុងការប៉ះពាល់វិទ្យុសកម្មខ្លាំង
- មានប្រវត្តិទាក់ទងនឹងជំងឺបន្តពូជ
- ប្រើប្រាស់ថ្នាំជក់ច្រើន
- ប្រើប្រាស់ថ្នាំព្យាបាលអរម៉ូនក្រោយពេលអស់រដូវ
មានកត្តាជាច្រើន ដែលយើងអាចធ្វើបានដើម្បីកាត់បន្ថយហានិភ័យនៃជំងឺមហារីកសុដន់ដូចជា៖
- រក្សាទម្ងន់ក្នុងកម្រិតមួយដែលល្អ
- ត្រូវហាត់ប្រាណ លេងកីឡា ដើម្បីជំរុញរាងកាយឲ្យសកម្ម
- ត្រូវញាំបន្លែ ផ្លែឈើ ជាប្រចាំ
- ជៀសវាងការផឹកគ្រឿងស្រវឹង ឬ ប្រើប្រាស់ថ្នាំជក់ផ្សេងៗ
- ពន្យារការបំបៅដោះកូន
- ជៀងវាងប្រើប្រាស់ថ្នាំពន្យារកូន ជាពិសេសចំពោះស្រ្តីមានអាយុលើស៣៥ឆ្នាំ
- ជៀសវាងប្រើប្រាស់ថ្នាំអរម៉ូនផ្សេងៗ
- ជៀសវាងការប៉ះពាល់ទៅនឹងវិទ្យុសកម្មខ្លាំង
ជំងឺមហារីកសុដន់មានរោគសញ្ញាយ៉ាងដូចម្តេច? ជំងឺមហារីកសុដន់គឺជាជំងឺមួយដ៏កាចសាហាវ ហើយជំងឺនេះមានរោគសញ្ញាដូចជា៖
- ឡើងកូនកណ្តុរនៅសុដន់
- ឈឺសុដន់
- ឡើងដោរឬកន្ទួលនៅតំបន់ចុងសុដន់
- ប៉ោងឬផតស្បែកសុដន់
- ហូរឈាមតាមចុងសុដន់
- និងប្រែប្រួលចុងសុដន់ ។
ដើម្បីចូលរួមជាចំណែកក្នុងការកាត់បន្ថយនៃជំងឺមហារីកសុដន់មន្ទីរពេទ្យ ដឹ ប្រេស្ទីហ្ស៍ នឹងមានសកម្មភាពជាច្រើន ក្នុងការចែករំលែកពីជំងឺមហារីកសុដន់ដោយវេជ្ជបណ្ឌិតឯកទេសជាច្រើន ដូចជាផ្ដល់សិក្ខាសិលាតាមអនឡាញ បកស្រាយ ដោយវេជ្ជបណ្ឌិតឯកទេសផ្ទាល់ និងចែករំលែកពីចំនេះដឹងផ្សេងៗទៀតពីមហារីកសុដន់ដូចជា៖
- វិធីក្នុងការថែទាំសុដន់
- របៀបពិនិត្យពិនិត្យសុដន់ដោយខ្លួនឯង
- និងចំណេះដឹងទូទៅជាច្រើនទៀត
តាមផេក Facebook: https://www.facebook.com/tphkh/ ផងដែរ។ លើសពីនោះ នៅខែតុលា ដែលជាខែយល់ដឹងអំពីជំងឺមហារីកសុដន់ មន្ទីរពេទ្យ ដឹ ប្រេស្ទីហ្ស៍ នឹងមានផ្តល់ជូនជាពិសេសនូវកញ្ចប់ពិនិត្យសុដន់ ៣ប្រភេទ ដើម្បីបំពេញនូវតម្រូវការរបស់ស្ត្រីគ្រប់វ័យក្នុងតំលៃពិសេស។ តើកញ្ចប់ពិនិត្យសុដន់របស់ស្ត្រីរបស់មន្ទីរពេទ្យ ដឹ ប្រេស្ទីហ្ស៍ មានបូកការពិនិត្យអ្វីខ្លះ? រាល់ការទិញនូវកញ្ចប់ពិនិត្យសុដន់ណាមួយ លោកអ្នកនឹងទទួលបានប័ណ្ណបញ្ចុះតម្លៃ ២០% សម្រាប់សេវាកម្មផ្សេងៗ និង ៥០% សម្រាប់ការពិគ្រោះយោបល់សម្រាប់ការពិនិត្យនានាពេលក្រោយ។
មន្ទីរពេទ្យ ដឹ ប្រេស្ទីហ្ស៍ មានវេជ្ជបណ្ឌិតឯកទេសផ្នែករោគស្រ្តី ដែលមានបទពិសោធន៍ជាច្រើនឆ្នាំក្នុងការធ្វើរោគវិនិច្ឆ័យនិងព្យាបាលតាមស្តង់ដាអន្តរជាតិ។ លើសពីនោះផងដែរ រាល់លទ្ធផលការថតនានា ត្រូវបានបកស្រាយដោយវេជ្ជបណ្ឌិតឯកទេសមកពីប្រទេសសិង្ហបុរី។
មន្ទីរពេទ្យ ដឹ ប្រេស្ទីហ្ស៍ ជាមន្ទីរពេទ្យស្ដង់ដាអន្តរជាតិនៅកណ្តាលទីក្រុងភ្នំពេញ ដែលមានបំពាក់ទៅដោយឧបករណ៍វេជ្ជសាស្រ្តទំនើបៗបំផុត ដូចជា ម៉ាស៊ីនស៊ីធីស្កេន ម៉ាស៊ីនថតសុដន់ ម៉ាស៊ីនឆ្លុះអេកូសាស្រ្ត និងម៉ាស៊ីនថត ដោយកាំរស្មីអ៊ិច ភ្ជាប់ជាមួយបរិក្ខាលំដាប់ពិភពលោក សុវត្ថិភាព និងផាសុខភាព ដើម្បីធានាបានថា អ្នកជំងឺនឹងទទួលបាន ការថែទាំ និងសម្រាកព្យាបាលបានល្អបំផុត។ ដោយសារកត្តាទាំងអស់នេះ អ្នកជំងឺដែលត្រូវការការថែទាំនិងព្យាបាលតាមស្តង់ដាអន្តរជាតិមិនចាំបាច់ធ្វើដំណើរទៅប្រទេសក្រៅទៀតនោះទេ ព្រោះមន្ទីរពេទ្យ ដឹ ប្រេស្ទីហ្ស៍ អាចបំពេញតម្រូវការផ្នែកថែទាំសុខភាពលំដាប់ពិភពលោកជាស្រេច ។
មន្ទីរពេទ្យ ដឹ ប្រេស្ទីហ្ស៍ មានសេវាកម្មឯកទេសដូចជា៖ ផ្នែកសម្ភពនិងរោគស្ត្រី ផ្នែកបេះដូង ផ្នែកជំងឺទឹកនោមផ្អែម ផ្នែកក្រពេញអរម៉ូន ផ្នែកសុខភាពកុមារ ផ្នែកកាត់បន្ថយការឈឺចាប់ និងសេវាកម្មជាច្រើនទៀតដូចជា ការពិគ្រោះយោបល់តាមទូរស័ព្ទ ផ្នែកមន្ទីរពិសោធន៍ និងផ្នែកថតរូបភាពវេជ្ជសាស្រ្ត ។
សម្រាប់ពត៌មានបន្ថែម អំពីសេវាកម្ម និងកញ្ចប់ពិនិត្យសុខភាព សូមទូរសព្ទមកលេខ ០២៣ ២៦៦ ៩៩៩ / ០៨៥ ៦៨៩ ៥៦៨ / ០៦៧ ៦៨៩ ៥៦៨ ឬតាមរយៈអ៊ីមែល info@prestigehospital.com
អាសយដ្ឋានផ្ទះលេខ ១៦និង១៨ ផ្លូវ២១ (ក្បែរផ្សារកាប់គោ) សង្កាត់ទន្លេបាសាក់ ខណ្ឌចំការមន ភ្នំពេញ។
Follow us on
Facebook: https://www.facebook.com/tphkh
Instagram: https://www.instagram.com/prestige_hospital/
Telegram: https://t.me/PrestigeHospital
Youtube: https://www.youtube.com/channel/UC8mFw3qnTyk_cdbiO8GbWBw
ជ្រើសយកមន្ទីរពេទ្យ ដឹ ប្រេស្ទីហ្ស៍ ដើម្បីសុខភាពរបស់លោកអ្នក !
