Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ចិននិងរុស្ស៊ីចាប់ផ្តើមធ្វើសមយុទ្ធរួមគ្នាដើម្បីបង្កើតសមត្ថភាពយោធា និងយោបាយ

spot_img

ចិននិងរុស្ស៊ីកំពុងធ្វើសមយុទ្ធកងទ័ពជើងទឹករួមគ្នាជិតប្រទេសរុស្ស៊ីដែលនេះជាសញ្ញាចុងក្រោយនៃការតម្រង់ទិសនយោបាយនិងយោធាដែលកំពុងកើនឡើងរបស់ពួកគេ។

សមយុទ្ធរួមគ្នាឆ្នាំ ២០២១ បានចាប់ផ្តើមកាលពីថ្ងៃព្រហស្បតិ៍ នៅឯឈូងសមុទ្រពេត្រុសដ៏ធំរបស់រុស្ស៊ីហើយនឹងបន្តរហូតដល់ថ្ងៃអាទិត្យ។ ប្រព័ន្ធផ្សព្វផ្សាយរដ្ឋចិនបាននិយាយថា សមយុទ្ធនេះនឹងរួមបញ្ចូលទាំងការទំនាក់ទំនងប្រឆាំងមីន ប្រឆាំងដែនអាកាស និងប្រឆាំងនាវាមុជទឹកប្រតិបត្តិការរួមគ្នា និងការបាញ់ចេញពីសមុទ្រ។

របាយការណ៍ដដែលបាននិយាយថា នេះគឺជាលើកទីមួយហើយដែលចិនបានបញ្ជូនយន្តហោះចម្បាំងប្រឆាំងនាវាមុជទឹកនិងនាវាពិឃាតជាង ១ ម៉ឺនតោនទៅកាន់កន្លែងធ្វើសមយុទ្ធ។

ជាក់ស្តែង ប្រទេសចិននិងរុស្ស៊ីបានរួបរួមគ្នាក្នុងការប្រឆាំងនឹងឥទ្ធិពលអាមេរិកនៅតំបន់អាស៊ី និងនៅក្នុងកិច្ចការពិភព
លោក។ ក្នុងនោះ ប្រទេសចិននិងរុស្ស៊ីក៏បានរិះគន់យ៉ាងខ្លាំងចំពោះគោលនយោបាយការបរទេសរបស់ទីក្រុងវ៉ាស៊ីនតោនដែលមិនជោគជ័យនៅអាហ្វហ្គានីស្ថាននិងកន្លែងផ្សេងៗទៀត។

បន្ថែមពីនេះ ទីក្រុងប៉េកាំងបានរិះគន់យ៉ាងខ្លាំងចំពោះកិច្ចព្រមព្រៀងមួយរបស់ប្រទេសអូស្ត្រាលី ដើម្បីទទួលបាននាវាមុជទឹកបំពាក់ដោយថាមពលនុយក្លេអ៊ែរចំនួន ៨ គ្រឿងដែលផលិតដោយបច្ចេកវិទ្យារបស់សហរដ្ឋអាមេរិក និងបានប្រកាសកាលពីខែមុនដែលភាគច្រើននៃសកម្មភាពទាំងអស់នេះ ត្រូវបានគេមើលឃើញថា គឺជាការឆ្លើយតបទៅនឹងការបង្កើនសមត្ថភាពកងទ័ពជើងទឹករបស់ចិនក្នុងតំបន់អាស៊ី៕ ប្រភព៖ រ៉យទ័រ

spot_img
×