ភាគហ៊ុននៅលើទីផ្សារគោល មានការប្រែប្រួលបន្តិចបន្តួចប៉ុណ្ណោះ ដោយមានភាគហ៊ុនតែមួយគត់កើនឡើង ហើយពីរទៀតថយចុះ ចំណែកភាគហ៊ុនដែលនៅសល់បានរក្សាថ្លៃដដែលកាលពីថ្ងៃព្រហស្បតិ៍។
ភាគហ៊ុនតំបន់សេដ្ឋកិច្ចពិសេសភ្នំពេញ បានកើនឡើងត្រឹម ១០រៀល ក្នុងមួយហ៊ុន ខណៈដែល ផេសថិក និង កំពង់ផែស្វយ័តក្រុងព្រះសីហនុ វិញធ្លាក់ចុះ ១០រៀល និង ២០រៀល។ ជាលទ្ធផល សន្ទស្សន៍ផ្សារមូលបត្រកម្ពុជា បានបិទជាមួយនឹងការធ្លាក់ចុះ ០,០២ភាគរយ មកត្រឹម ៤៩៥,៧៧ ពិន្ទុ។
តម្លៃជួញដូររបស់ទីផ្សារគោលមានចំនួន ២០៧,៣៨ លានរៀល។ រីឯទីផ្សារកំណើនវិញ ភាគហ៊ុន ឌីប៊ីឌីអ៊ី បានឡើងថ្លៃ១០រៀល ដល់ ២.២៥០រៀល ជាមួយនឹងតម្លៃជួញដូរចំនួន ២២,៦៤លានរៀល៕
