ស្ថានទូតសហរដ្ឋអាមេរិកនៅព្រឹកថ្ងៃទី ២៦ ខែសីហា ឆ្នាំ២០២៦បានចេញផ្សាយព័ត៏មានឱ្យដឹងថាអ្នកដឹងទេថា សហរដ្ឋអាមេរិក គឺជាអ្នកផលិត ផលិតផលទឹកដោះគោធំជាងគេទីពីរនៅលើពិភពលោក ហើយមានផលិតផលឈីសច្រើនជាង ១,០០០ ប្រភេទ?
សហរដ្ឋអាមេរិក កំពុងពង្រីកវត្តមានផលិតផលអាមេរិកនៅក្នុងប្រទេសកម្ពុជា ព្រមទាំងកសាងទំនាក់ទំនងពាណិជ្ជកម្មឱ្យកាន់តែរឹងមាំរវាងក្រុមហ៊ុនអាមេរិក និងដៃគូពាណិជ្ជកម្មកម្ពុជា។
លោកស្រី Aleks Zittle ភារធារីស្ថានទូតអាមេរិកនៅភ្នំពេញ បានស្វាគមន៍លោកស្រី Krysta Harden ប្រធានក្រុមប្រឹក្សាការនាំចេញផលិតផលពីទឹកដោះគោពីអាមេរិកដែលបានអញ្ជើញមកភ្នំពេញ ដើម្បីអបអរសាទរសមិទ្ធផលជោគជ័យដ៏អស្ចារ្យ នៃផលិតផលទឹកដោះគោអាមេរិកក្នុងប្រទេសកម្ពុជា។ ការនាំចេញផលិតផលទឹកដោះគោពីសហរដ្ឋអាមេរិកមកកាន់កម្ពុជា បានកើនឡើងរហូតដល់ ៦០០ ភាគរយ នៅក្នុងឆមាសទីមួយនៃឆ្នាំ ២០២៦ ដែលផ្តល់ឱកាសឱ្យអតិថិជនកម្ពុជាបានរីករាយជាមួយទឹកដោះគោ និងឈីសរបស់អាមេរិកដែលមានគុណភាពខ្ពស់ និងសម្បូរទៅដោយជីវជាតិ៕រក្សាសិទ្ធដោយ៖សុទ្ធលី
