ខេត្តមណ្ឌលគិរី៖ កម្លាំងជំនាញគ្រឿងញៀន នៃអធិការដ្ឋាននគរបាលស្រុកកោះញែក ខេត្តមណ្ឌលគិរី នៅថ្ងៃទី៩ ខែកញ្ញា ឆ្នាំ២០២៦ បានចុះអនុវត្តដីកាបង្គាប់ឱ្យចាប់ខ្លួនរបស់សាលាដំបូងខេត្តមណ្ឌលគិរី និងបានឃាត់ខ្លួនយុវជន ព្នង ម្នាក់ ដើម្បីបន្តនីតិវិធីតាមផ្លូវច្បាប់។
ប្រតិបត្តិការនេះ បានធ្វើឡើងនៅចំណុចភូមិកោះមើលក្រោម ឃុំណងឃីលិក ស្រុកកោះញែក ខេត្តមណ្ឌលគិរី ដោយអនុវត្តតាមដីកាបង្គាប់ឱ្យចាប់ខ្លួនលេខ ២៦៧ «ច» ដចន ចុះថ្ងៃទី៣០ ខែធ្នូ ឆ្នាំ២០២៤ របស់លោក ចាន់ដា រ៉ាវង្ស ប្រធានក្រុមប្រឹក្សាជំនុំជម្រះសាលាដំបូងខេត្តមណ្ឌលគិរី។
ជនសង្ស័យរូបនេះ មានឈ្មោះ ហុង វិបូ ហៅ ប៉យ ភេទប្រុស អាយុ២០ឆ្នាំ ជនជាតិព្នង សញ្ជាតិខ្មែរ មានទីលំនៅបច្ចុប្បន្ននៅភូមិកោះមើលក្រោម ឃុំណងឃីលិក ស្រុកកោះញែក ខេត្តមណ្ឌលគិរី។
ក្រោយអនុវត្តដីកាបានសម្រេច កម្លាំងជំនាញគ្រឿងញៀនបាននាំខ្លួនជនខាងលើមកកាន់អធិការដ្ឋាននគរបាលស្រុកកោះញែក ដើម្បីសាកសួរ និងបន្តនីតិវិធីតាមច្បាប់៕រក្សាសិទ្ធិគ្រប់យ៉ាងដោយ CEN
