នេះគឺជាកិច្ចប្រជុំកំពូលអន្តរជាតិស្តីពីទីអវកាស ដែលបានរៀបចំឡើងនៅទីក្រុងប៉ារីស៍ កាលពីថ្ងៃទី៩ និងទី១០ ខែកញ្ញា កន្លងទៅនេះ។
កិច្ចប្រជុំនេះមានការចូលរួមពីរដ្ឋចំនួន ៩០ ទីភ្នាក់ងារអវកាសឈានមុខ និងក្រុមហ៊ុនធំៗជាច្រើនទៀត។ នេះបើតាមការចេញផ្សាយព័ត៏មានរបស់ស្ថានទូតបារាំងប្រចាំកម្ពុជាថ្ងៃទី១១ ខែកញ្ញានេះ។
ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍កម្ពុជា ក៏បានអញ្ជើញចូលរួមក្នុងឱកាសនោះ និងបានជួបសំណេះសំណាលជាមួយអាកាសយាននិក លោក Thomas Pesquet ព្រមទាំងជួបពិភាក្សាការងារជាមួយលោកស្រី Éléonore Caroit រដ្ឋមន្ត្រីប្រតិភូទទួលបន្ទុកកិច្ចការហ្វ្រង់កូហ្វូនី ភាពជាដៃគូអន្តរជាតិ និងជនជាតិបារាំងនៅបរទេសផងដែរ។
ប្រទេសបារាំង និងសហភាពអឺរ៉ុប កំពុងវិនិយោគលើវិស័យអវកាស ដែលពោរពេញដោយនវានុវត្តន៍ ការស្រាវជ្រាវ និងកិច្ចសហប្រតិបត្តិការ ដោយគោរពទៅតាមច្បាប់អន្តរជាតិ។រក្សាសិទ្ធិដោយ ៖សុទ្ធលី
