ភ្នំពេញ៖ មន្ត្រីគយ និងរដ្ឋាករ សហការជាមួយនគរបាលអន្តោប្រវេសន៍ បានរកឃើញ និងរឹបអូសសារធាតុសង្ស័យជាគ្រឿងញៀនប្រភេទមេតំហ្វេតាមីន ចំនួន ១៩ដុំតូច មានទម្ងន់សុទ្ធសរុប ១៨៦ក្រាម ពីអ្នកដំណើរបរទេសម្នាក់ ខណៈ ជនសង្ស័យត្រៀមចាកចេញពីប្រទេសកម្ពុជា។
ការបង្ក្រាបនេះធ្វើឡើងកាលពីថ្ងៃទី៨ ខែកញ្ញា ឆ្នាំ២០២៦ នៅស្ថានីយអ្នកដំណើរចេញ នៃអាកាសយានដ្ឋានអន្តរជាតិតេជោ ក្នុងរាជធានីភ្នំពេញ។
តាមការបញ្ជាក់ពីសមត្ថកិច្ច ក្នុងអំឡុងពេលត្រួតពិនិត្យអ្នកដំណើររូបនេះ ក្រុមការងារបានរកឃើញវត្ថុសង្ស័យជាគ្រឿងញៀនប្រភេទមេតំហ្វេតាមីន ចំនួន ១៩ដុំតូច ដែលមានទម្ងន់សុទ្ធសរុប ១៨៦ក្រាម។
ក្រោយរកឃើញវត្ថុសង្ស័យ សមត្ថកិច្ចបានអនុវត្តនីតិវិធីបឋម និងរៀបចំកំណត់ហេតុពាក់ព័ន្ធនឹងការល្មើសច្បាប់គយ មុននឹងប្រគល់ជនសង្ស័យ រួមទាំងវត្ថុតាង និងសម្ភារៈពាក់ព័ន្ធ ទៅមន្ទីរប្រឆាំងគ្រឿងញៀន។
ជនសង្ស័យ និងវត្ថុតាងត្រូវបានមន្ទីរប្រឆាំងគ្រឿងញៀនទទួលយក ដើម្បីគ្រប់គ្រង ថែរក្សា និងបន្តនីតិវិធីស្រាវជ្រាវ និងចាត់ការតាមច្បាប់ជាធរមាន។រក្សាសិទ្ធិគ្រប់យ៉ាងដោយ CEN
