ទីក្រុងហ្សឺណែវ៖ នៅថ្ងៃទី១៥ ខែកញ្ញា ឆ្នាំ២០២៦ លោកស្រី ឈួន បញ្ញា លេខាធិការទី១ នៃស្ថានបេសកកម្មអចិន្រៃ្តយ៍កម្ពុជា បានថ្លែងបទអន្តរាគមន៍ក្នុងរបៀបវារៈទី៣៖ កិច្ចសន្ទនាអន្តរកម្មជាមួយក្រុមការងារស្តីពីការឃុំខ្លួនតាមអំពើចិត្ត។
លោកស្រីបានបញ្ជាក់សារជាថ្មីនូវការប្តេជ្ញាចិត្តរបស់កម្ពុជាក្នុងការគោរពនីតិរដ្ឋ និងការអនុវត្តត្រឹមត្រូវក្នុងប្រព័ន្ធយុត្តិធម៌ ដោយបានកត់សម្គាល់ថា ការចាប់ខ្លួន ការឃុំខ្លួន និងការកាត់ទោស ត្រូវបានអនុវត្តស្របតាមរដ្ឋធម្មនុញ្ញ និងច្បាប់ពាក់ព័ន្ធ ដោយមានការធានាអំពីការសន្មតទុកជាមុនថាគ្មានទោស និងសិទ្ធិក្នុងការប្តឹងឧទ្ធរណ៍។ លោកស្រីក៏បានគូសបញ្ជាក់ផងដែរថា កិច្ចសហប្រតិបត្តិការរបស់កម្ពុជាជាមួយរដ្ឋដទៃទៀតលើបញ្ហាព្រហ្មទណ្ឌ គឺត្រូវបានអនុវត្តយោងតាមក្របខ័ណ្ឌច្បាប់ដែលមានស្រាប់ ស្របតាមច្បាប់ជាតិ កិច្ចព្រមព្រៀងអន្តរជាតិ និងនីតិវិធីត្រឹមត្រូវ។រក្សាសិទ្ធិដោយ ៖សុទ្ធលី
