(កំពង់ស្ពឺ)៖ ដោយបានការបញ្ជាដឹកនាំដ៏ខ្ពង់ខ្ពស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការណែនាំពីលោកឧត្ដមសេនីយ៍ត្រី ប៊ុត ចាន់តារា ស្នងការរង នៅថ្ងៃទី៦ ខែតុលា ឆ្នាំ២០២៦ កំលាំងនគរបាលការិយាល័យប្រឆាំងបទល្មេីសសេដ្ឋកិច្ចដឹកនាំដោយលោកវរសេនីយ៍ឯក ហេង សំរេច នាយការិយាល័យសហការស្រាវជ្រាវរកឃេីញកន្លែងកែច្នៃឈេី (ទីតាំងសន្និធិឈេីគ្មានច្បាប់អនុញ្ញាត) មួយកន្លែង នៅចំណុចដីឡូតិ៍ ឈ្មោះ ហឹម គន្ធី ភេទប្រុស អាយុ៤៩ឆ្នាំ និងមានប្រពន្ធឈ្មោះ ហ៊ុន ឈូករ័ត្ន អាយុ៤០ឆ្នាំ (គេចខ្លួនពេលសមត្ថកិច្ចចូលដល់គោលដៅ) ភូមិរស្មីសាមគ្គី ឃុំរស្មីសាមគ្គី ស្រុកឱរ៉ាល់ ខេត្ដកំពង់ស្ពឺ ។
ក្រោយការស្រាវជ្រាវរកឃេីញ កំលាំងបានសហការជាមួយរដ្ឋបាលព្រៃឈេី ចុះធ្វេីការប្រតិបត្ដិការបង្រ្កាប ជាក់ស្ដែងកំលាំងនគរបាលបានរកឃេីញកំណាត់ដុំឈេី ប្រភេទឈេីសុក្រំ ចំនួន ៤៥ដុំ ស្មេីនឹង ២,៩៦៨ ម៉ែត្រត្រីគុណ និងមានកម្ទេចអាចម៌រណាដែលកាត់អារដោយម៉ាសុីន។
បច្ចុប្បន្នវត្ថុតាងនិងទីតាំងកែច្នៃសន្និធិឈេីខុសច្បាប់បានប្រគល់ជូនសមត្ថកិច្ចជំនាញមន្រ្ដីរដ្ឋបាលព្រៃតាសាល ដេីម្បីបន្ដនីតិវិធី៕ រក្សាសិទ្ធដោយ៖សុទ្ធលី
