ខេត្តកំពង់ធំ៖ លោក ក្រូច សំបាន អតីតចៅអធិការវត្តព្រៃខ្ទម្ព ស្ថិតនៅឃុំនីពេជ ស្រុកកំពង់ស្វាយ ខេត្តកំពង់ធំ បានសម្រេចលាចាកសិក្ខាបទដោយស្ម័គ្រចិត្ត ក្រោយទទួលស្គាល់ថា ខ្លួនបានប្រព្រឹត្តខុសធម៌វិន័យព្រះសង្ឃ ពាក់ព័ន្ធនឹងការរួមភេទជាមួយបុរស និងការមើលរឿងអាសអាភាស។
ក្នុងការបំភ្លឺនៅថ្ងៃទី១៧ ខែតុលា ឆ្នាំ២០២៦ លោក ក្រូច សំបាន បានបញ្ជាក់ជូនពុទ្ធបរិស័ទថា ការសម្រេចចិត្តលាចាកសិក្ខាបទនេះ គឺដោយសារលោកបានប្រព្រឹត្តផ្ទុយនឹងធម៌វិន័យរបស់ព្រះសង្ឃ។
ជាមួយគ្នានេះ អតីតចៅអធិការរូបនេះក៏បានច្រានចោលការលើកឡើងពាក់ព័ន្ធនឹងការលួចថវិកាវត្ត ដោយអះអាងថា ការចោទប្រកាន់នេះមិនពិតទេ ហើយថវិកាទាំងអស់នៅតែមានក្នុងគណនីធនាគាររបស់លោក។
តាមប្រភពព័ត៌មាន លោក ក្រូច សំបាន បានបួសជាព្រះសង្ឃនៅវត្តនីពេជ ក្នុងឆ្នាំ២០១៩ មុនពេលត្រូវបានតែងតាំងជាចៅអធិការវត្តព្រៃខ្ទម្ព ក្នុងឃុំនីពេជ ស្រុកកំពង់ស្វាយ ខេត្តកំពង់ធំ។
ការលាចាកសិក្ខាបទនេះ បានកើតឡើងក្រោយមានការលើកឡើងពាក់ព័ន្ធនឹងការប្រព្រឹត្តខុសធម៌វិន័យព្រះសង្ឃ និងការសង្ស័យអំពី កិបកេងថវិកាវត្ត ដែលអតីតចៅអធិការបានចេញមុខបំភ្លឺបដិសេធចំពោះការចោទប្រកាន់ពាក់ព័ន្ធនឹងការលួចថវិកា។រក្សាសិទ្ធិគ្រប់យ៉ាងដោយ CEN
